WHV 未必幫到有樓有車有事業......
但去過的人相信會對世事參透幾分~
旅行的意義：
http://www.facebook.com/photo.php?fbid=597618770253555
今朝冇靚相, 不過同大家講一個我係澳洲打工遇到既故事.
我當時係悉尼歌劇院幫遊客影相做紀念品, 可能呢個PAGE有香港人都見過我.
<<我連你那一份一起活下去了>>
前日,歌劇院黎左一個伯伯.
伯伯: 哥哥仔,你買D相好靚呀,點先有架?
我:你要參加歌劇院個TOUR先有架. 開始之前我會幫你影,完左TOUR就睇到.25蚊(澳幣)一套. 你個導遊係邊度?
伯伯: 我自由行架.個TOUR幾錢呀?
我: 24蚊.
伯伯: 嘩咁咪即係要49蚊? 太貴喇, 可唔可以剩係要呢個相呀?
我: 得冇問題, 你跟我過黎我同你影丫. 橋起雙手黎個型D既!
卡擦! 你等我5分鐘即刻整比你!
(整完之後)
我: 伯伯,你既相呀.
伯伯: 唔該哂哥哥仔!你D相係唔同D既!真係影到我幾型!你係度讀書呀?
我: 我香港過黎WORKING HOLIDAY架, 可以係度做一年野, 過左黎3個月到啦,你呢?
伯伯: 我移民左去加拿大好多年喇!
你就叻啦! 過左黎幾個月就搵到份咁好既工!(其實份工人工唔高,只係大眾認為攝影師都搵好多錢...)
我: 都係好彩姐! 可能之前係香港都影開相, 咪請我囉!
係呢你咁過癮既自己一個人出黎旅行? 你今年幾多歲呀?
伯伯: 我今年75歲喇! 呀唔係,應該係大過75,我都唔記得左!
我: 咁你太太呢? 唔同你一齊黎既?
伯伯: 佢三年前走左喇.佢臨死前既遺願, 係叫我好好咁去遊覽呢個世界, 佢話佢以前都冇咩去過邊旅行WO!
咁到我死左果時係天堂話返比佢聽個世界係點既樣!
我問佢, 妳又知我一定上天堂?
佢話只要我完成到佢既遺願, 我就一定會上天堂,哈哈!
所以呢幾年我都一個人去左好多度架喇!
聽到呢度, 硬淨如我, 也不禁動容了.
一個走左, 留下既一個幫佢完成未完既旅程.
這不就是<衝天救兵>個故事嗎?
伯伯: 喂哥哥仔, 你冇野丫嗎? 做咩呆左? 係咪25蚊? 拿.
我: 伯伯, 呢個PHOTO PACK 唔駛錢, 當係我送比你既小小心意.
你要好好咁繼續你既旅程, 完成你太太交比你既任務!
伯伯:咁多謝你喇哥哥仔!
可唔可以幫我係歌劇院前影張相? 你教我擺POSE噃!
我: 得冇問題! 黎舉起隻手笑!
------------------------------------------------------------------------------------
我同大家講呢個故事, 係想話你聽旅行真係一生人既養份.
有人到左75歲, 依然繼續自由行, 繼承太太既遺願努力去探索世界.
其實如果你仲後生, 我真係好鼓勵你出去闖一闖.
Working Holiday 唔一定會幫到你賺大錢, 但一定會令你對人生有唔同領悟.
時間過左就過左, 有好多野你呢一刻唔做,可能呢世都唔會再做.
唔好比自己帶住太多遺憾離開呢個世界, OKAY?
Search